فیصل آباد (این این آئی)حادثے کا شکار مسافر وین شیخوپورہ سے شورکوٹ جا رہی تھی کہ اچانک فیصل آباد گوجرہ موٹروے پر آگ لگنے کے بعد الٹ گئی۔ریسکیو ذرائع کے مطابق گوجرہ موٹروے پر پینسرہ کے قریب ٹریفک حادثہ پیش آیا ، مسافر وین میں شارٹ سرکٹ سے آگ لگنے سے گاڑی بے قابو ہو کر ڈیوائیڈر سے ٹکرا گئی،ٹریفک حادثے میں 6 افراد

جاں بحق اور 10 شدید زخمی ہو گئے۔حادثہ کی اطلاع ملتے ہی امدادی ٹیمیں موقع پر پہنچیں اور ایمبیولینسوں کے ذریعے زخمیوں کو ہسپتال منتقل کر دیا گیا جہاں انھیں طبی امداد دی جا رہی ہے۔ذرائع کے مطابق مسافر وین شیخوپورہ سے شورکوٹ جا رہی تھی،ٹریفک حادثہ پینسرہ انٹرچینج کے قریب پیش آیا۔ زخمیوں میں سے 3 کی حالت انتہائی تشویشناک ہے۔