لاہور( این این آئی)ملک کی معروف روحانی شخصیت الحاج حافظ صغیر احمدعلالت کے بعد لاہور میں انتقال کر گئے ۔مرحوم جامعتہ احسان القرآن والعلوم النبویہ و خانقاہ احسانیہ امدایہ چوبرجی لاہور کے سرپرست وبانی تھے ۔مرحوم الحاج حافظ صغیر احمد برصغیر پاک و ہند کی نامور علمی و روحانی شخصیت شیخ الحدیث حضرت مولانا محمد زکریا کاندھلوی کے خلیفہ مجاز تھے ۔مرحوم کی تمام زندگی عقیدہ ختم نبوت کے
تحفظ، تذکریہ نفس،اصلاح معاشرہ، مساجد و مدارس اور خانقاہوں کے قیام میں گذری ۔مرحوم کی نماز جنازہ عیدگاہ و جناز گاہ بہاولپور ہائوس نزد چوبرجی لاہورمیں ادا کی گئی جس کے بعدانہیں سپرد خاک کر دیا گیا ۔مولانا فضل الرحیم اشرفی،مولانا ڈاکٹر سعید احمد عنایت،حافظ اسعد عبید، مولانا الیاس گھمن، مولانا اجمل قادری سمیت دیگر نے الحاج حافظ صغیر احمد کے انتقال پر گہرے رنج و غم کا اظہارکیا ہے۔
