اسلام آباد(مانیٹرنگ ڈیسک) رکن قومی اسمبلی اورمسلم لیگ ن کے جنرل سیکرٹری احسن اقبال نے کہاہے کہ بجٹ اجلاس اہم ہے، شہباز شریف کو اس میں شرکت کا رسک لینا پڑے گا،اپوزیشن بجٹ کے بارے میں مثبت تجاویز دے گی۔نجی ٹی وی پروگرام میں گفتگو کرتے ہوئے انہوں نے کہاکہ ایگزیکٹو اور عدلیہ کام کر
رہے تو پارلیمنٹ کے اجلاس میں کیا قباحت ہے، پارلیمان کے لاک ڈاؤن سے غلط پیغام جائے گا۔ ہماری جان پیاری، لوگ مرتے ہیں تو مریں یہ رویہ مناسب نہیں،ورچوئل اجلاس میں سپیکر یا ڈپٹی سپیکر اپوزیشن کو بولنے ہی نہیں دیں گے، لیگی رہنما نے کہاکہ نوازشریف ن لیگ کے میڈیکل ونگ کی رپورٹس پر باہر نہیں گئے۔
