لاہور(این این آئی)عید الفطر کے دوران کی گئی بے احتیاطی کے اثرات آنا شروع ہو گئے، کورونا وائرس کے مثبت کیسز کی شرح میں 4 فیصد اضافہ ہو گیا۔ سرکاری ڈیٹا کے مطابق یکم رمضان پر مثبت کیسز کی شرح 8.6فیصد تھی لیکن عید پر مارکیٹیں کھولنے اور ایس او پیز پر عمل نہ کرنے سے کوورنا کے مثبت افراد کی تعداد میں تیزی سے اضافہ ہو رہا ہے اورعید الفطر

کے بعد مثبت کیسز کی شرح 12.7فیصد پر پہنچ گئی ہے۔پاکستان میں کورونا سے ریکوری ریٹ 34.7فیصد اور پنجاب میں کورونا سے ریکوری ریٹ 22.5فیصد ہے۔اسی طرح ڈیٹا کے مطابق پاکستان میں کورونا کا ڈیتھ ریٹ2.1فیصد اور پنجاب میں کورونا کا دیتھ ریٹ1.9فیصد ہے۔ ماہرین نے اگلا ہفتہ کورونا کیسز کے حوالے سے انتہائی اہم قرار دے دیا ہے۔