لاہور( این این آئی )لاہور سمیت پنجاب کے کئی شہروں میں 75روزکے بعد پارکس کھل گئے جس کے بعد شہریوں کی بڑی تعداد نے پارکوں کا رخ کرلیا تاہم بچوں کے جھولوں کے لیے بنائے گئے پلے لینڈ بند رہیں گے۔پارکس اینڈ ہارٹیجکلچر اتھارٹی کے ترجمان کے مطابق پارکس صبح 6 بجے سے
رات 9 بجے تک پارک عوام کے لئے کھلے رہیں گے، پارکس میں آنے والے شہری ماسک پہنیں گے، ہاتھوں پر گلوز کا استعمال کرنا بھی لازمی ہے، ان ایس او پیز پر عمل نہ کرنے والوں کو پارک میں داخل نہیں ہونے دیا جائے گا۔ترجمان کے مطابق پارکس میں بنے ہوئے بچوںکے پلے لینڈزبدستور بند رہیں گے۔
