اسلام آباد (این این آئی) اسلام آباد ہائی کورٹ نے دسویں قومی مالیاتی کمیشن کی تشکیل کے خلاف مسلم لیگ (ن )کی درخواست پر سماعت پر وزارت قانون کے جواب پر برہمی کا اظہار کرتے ہوئے وزارتِ خزانہ کو دو ہفتوں میں جواب جمع کرانے کا حکم دیدیا ۔ دور ان سماعت وکیل محسن شاہ نواز رانجھا اور عمر گیلانی عدالت کے سامنے پیش ہوئے جبکہ وزارت خزانہ اور وزارت قانون کے نمائندے عدالت میں پیش ہوئے ۔وزارت خزانہ نے
جواب جمع کرانے کے لئے مزید مہلت مانگ لی عدالت نے وزارت خزانہ کے نمائندے کی استدعا منظور کرلی۔عدالت نے وزارتِ خزانہ کو دو ہفتوں میں جواب جمع کرانے کا حکم دیدیا ۔عدالت نے وزارت قانون کے جواب پر برہمی کا اظہار کیا ۔ نمائندہ وزارت قانون نے کہاکہ یہ وزارت خزانہ کا معاملہ ہے ہمارا اس سے کوئی کام نہیں۔ وکیل عمر گیلانی نے کہاکہ وزیر اعلیٰ سندھ نے بھی اس کمیشن پر اعتراض اٹھایا تھا۔
