لاہور(این این آئی) وزیراعلیٰ پنجاب سردارعثمان بزدار نے کہا ہے کہ احتیاط کا دامن تھام کر کورونا کے ساتھ جینا سیکھنا ہوگا۔ کورونا نے پوری دنیا میں سیاسی،سماجی اورمعاشی تبدیلیاں برپا کی ہیں۔ انہوں نے کہا کہ کورونا سے بچنے کیلئے ماسک،سینی ٹائزراورسماجی فاصلہ ضروری ہے۔دوکاندار ’’نوماسک،نوسروس‘‘کی پالیسی پر عمل کریں تو کوروناکا پھیلائو کم ہوگا۔ وزیراعلیٰ عثمان بزدار نے کہا کہ انسداد کورونا مہم کی کامیابی کے لئے حکومتی کاوشوں کے ساتھ عوام کا تعاون بے حد ضروری ہے۔ احتیاطی تدابیر سے شہری خود اور اپنے پیاروں کی زندگیاں محفوظ بنا سکتے ہیں۔انہوں نے کہا کہ کورونا کب تک رہے
گا کوئی کچھ نہیں کہہ سکتا ۔