اسلام آباد(مانیٹرنگ ڈیسک)شہبازشریف کی گرفتاری کے بارے میں سوچا جارہاہے لیکن فیصلہ نہیں ہوا۔نوازشریف کے ایما پر انکی صاحبزادی شاہد خاقان عباسی کا حوصلہ بڑھا رہی ہیں، وہ سمجھ رہے ہیں کہ شہبازشریف پارٹی کو نقصان پہنچا رہے ہیں لیکن دونوں بھائی ایک دوسرے کو چھوڑ بھی نہیں سکتے ۔

نجی ٹی وی پروگرام میں گفتگو کرتے ہوئے سینئر تجزیہ کار ہارون الرشید کا کہنا تھا کہ میرا خیال ہے کہ انکی گرفتاری کا مقصد انہیں پروموٹ کرنا ہوگاتاکہ انکا تاثر بہتر ہوجائے ۔ بادشاہ جیل میں نہیں رہ سکتا ،نوازشریف ڈپریشن کے مریض تھے لیکن لندن میں گئے تو ٹھیک ہوگئے ۔میرا نہیں خیال کہ جہانگیرترین اس وقت کوئی موو کرینگے ،بالکل نہیں کرینگے ، چودھریوں نے بھی حفاظتی اقدام کیا ،کچھ نہیں کرینگے ۔راجہ ریاض کہتے ہیں کہ پیپلز پارٹی ایک فیملی کی طرح تھی مگر تحریک انصاف میں تو کوئی کسی کو پوچھتا ہی نہیں۔فواد چودھری کی طرف سے ارطغرل پر تنقید کے سوال کے جواب میں انہوں نے کہا کہ عمران خان صاحب فواد چودھری اسی طرح کے بیانات دیتے رہے تو بہت مہنگے پڑینگے ۔ ہیرو لوکل یا غیر لوکل نہیں ہوتا،کیا صلاح الدین ایوبی ہمارے ہیرو ہیں یا نہیں؟۔فواد چودھری اپنے علاقے میں سروے کرلیں کہ ارطغر ل دیکھنے اور پسند کرنے والے کتنے ہیں، یہ سب ہمارے ہیرو ہیں،فواد چودھری پر ڈرامہ بہت اچھا بنتا ہے ،لوگوں کو پسند آئے یا نہ آئے ،فواد چودھری جہاں بھی مذہبی حوالہ ہوتا ہے وہاں ہر ایک سے الجھتے ہیں،رویت ہلال کے معاملے میں تلخی پیدا کرنے کی کیا ضرورت ہے ۔

موضوعات:شہبازشریف مریم نواز نواز شریف