اسلام آباد (مانیٹرنگ ڈیسک)پاکستان ائیر لائن کے طیارہ حادثہ میں شہید ہونیوالے سجاد گل کی بیٹی زویا سجاد نے اپنی ایک تحریر میں والد کے بارے میں بتایا کہ ان کے والد ایک عظیم انسان تھے وہ دوسروں کی خوشی میں خوش ہوتے تھے ۔ صاحبزادی کا کہنا تھا کہ ان کی شہادت پر پوری قوم کو فخر ہے ۔ وہ جہاز ملازمت کیلئے نہیں بلکہ انہیں جہاز اڑانے کابہت شوق تھا ۔ دوسروں کی مدد کرنے کیلئے ہر وقت تیار رہتے تھے ۔
زویاکہناتھا کہ عید سے دو دن قبل انہیں کہا کہ آپ ہمارے ساتھ بھی وقت گزاریں جس پر انہوں نے کہا کہ تمہاری طرح لوگ بھی یہی چاہتے ہیں کہ وہ اپنے پیاروں کیساتھ عید منائیں ۔ ان کی صاحبزادی کا مزید کہنا تھا کہ وہ مدینہ شریف کو اپنا دوسرا گھر سمجھتے تھے ، شہادت کے بعد مدینے سے ایک شخص کا فون آیا اس نے بتایا کہ اس نے خواب میںسجاد گل کو رسول پاکؐ کے روزہ مبارک پر دیکھا ہے جو دوسرے لوگوں کی مدد کر رہے ہیں اور بہت خوش نظر آرہے ہیں ۔ دوسری جانب پی آئی اے طیارہ حادثہ کے حوالے سے گفتگوکرتے ہوئے سینئر تجزیہ کار ہارون الرشید نے کہامجھے بتایاگیاکہ پائلٹ کی غلطی ہے میں نے کہاجب تک تحقیق نہ کرلوں رائے دینے سے گریزکرونگا،معالے کے دوپہلوہیں،پائلٹ نے توبہت فاش غلطیاں کیں،میراایک بہت ہی سینئر ذمہ دارآدمی ہے ،72گھنٹے مسلسل مشقت کرکے حقائق جمع کئے ،پہلی بات تویہ کہ جب وہ کراچی شہرکے قریب پہنچا10ہزارفٹ کی بلندی پرتھا3ہزارپرہوناچاہئے تھا،لینڈکرنا ہوتو ایک ہزارپرہوناچاہئے ،لینڈنگ گیئرجب دس ہزارفٹ کی بلندی پرکھولنے کی کوشش کی تو وہ ہونہیں سکتا،اب جہازکانقصان توہوناہی تھا،قیمتیں جانیں تو بچالی جاتیں،ایس اوپیزنافذہونے چاہئیں،حادثے کی پوری انکوائری ہونی چاہئے ۔ایف بی آرکے 70،80فیصدلوگ رشوت خور،عمران خان کیسے چلالینگے ،اڑھائی سے تین سوارب سالانہ سرکاری ادارے کھاجاتے ہیں،55ارب ہم پنجاب میں گندم خریدنے کاسوددیتے ہیں،باقی صوبوں میں اس کے علاوہ،ایسے کیسے کام چلے گا،اس کیلئے جرات مندانہ اقدامات کرناہونگے ۔
