اسلام آباد (این این آئی)پاکستان ریلوے کا لاک ڈاؤن کے بعد جزوی ٹرین آپریشن (آج) بدھ سے شروع ہوگا ۔ جاری شیڈول کے مطابق محدود ٹرین آپریشن کی بحالی کے پہلے روز 15 ٹرینیں چلائی جائیں گی،خیبر میل اور عوام ایکسپریس کراچی سے پشاور کے لئے روانہ ہونگی ،گرین لائن اور پاکستان ایکسپریس کراچی سے راولپنڈی روانہ ہونگی ،جعفر ایکسپریس پشاور سے براستہ راولپنڈی کوئٹہ روانہ ہوگی
،راولپنڈی سے تیزگام کراچی .مہر ایکسپریس ملتان .سبک رفتار ریل کار لاہور اور اسلام آباد ایکسپریس لاہور روانہ ہوگی،قراقرم اور شاہ حسین ایکسپریس کراچی سے لاہور .ملت ایکسپریس کراچی سے لالہ موسیٰ راونہ ہوگی،کراچی سے سیالکوٹ کے لئے علامہ اقبال ایکسپریس ،سکھر ایکسپریس کراچی سے جیکب آباد روانہ ہوگی ،کراچی سے پاک بزنس لاہور روانہ ہوگی .تمام ٹرینیں پہلے سے مقررہ شیڈول ٹائم میں چلیں گی۔
