اسلام آباد(مانیٹرنگ ڈیسک)پشاور کے تجارتی مرکز رامپورہ گیٹ میں زوردار دھماکا ، 5 افراد کے زخمی ہونے کی اطلاعات موصول،پولیس حکام کے مطابق دھماکا خیز مواد بجلی کے پول سے نصب تھا اور اس کے نتیجے میں 2 ٹریفک اہلکار وںسمیت 5 افراد زخمی ہوئے ہیں۔ذرائع کے مطابق پولیس نے دھماکے کی اطلاع

موصول ہوتے ہی جائے وقوعہ پہنچ کر جگہ کو سیل کردیا اور تحقیقات کے لیے وہاں سے شواہد جمع کرنا شروع کر دیئے ہیں۔حکام کے مطابق دھماکے کے زخمیوں کو فوری طور پر پشاور کے لیڈی ریڈنگ اسپتال میں منتقل کردیا گیا ہے جہاں انہیں طبی امداد دی جارہی ہے۔ہسپتال حکام کے مطابق زخمیوں کی حالت خطرے سے باہر ہے۔

موضوعات:پشاور دھماکہ