کوہلو( این این آئی)کوہلوڈپٹی کمشنر کوہلو عبداللہ کھوسہ نے صوبے بھر کی طرح کوہلو میں بھی شاپنگ مالز ،مارکیٹس ،آٹورپیئرشاپس ،گودام اور ہیئر کٹنگ سیلون کو تمام ہفتہ سحری 3بجے سے شام 5بجے تک کھولنے کی مشروط اجازت دے دی ہے اس موقع پر ڈپٹی کمشنر کا کہنا تھا کہ صوبائی حکومت کی جانب سے تاجر برادری کیلئے جن ایس او پیز کو اپنانے کا کہاگیا ہے ان پر سختی سے

عمل درآمد کیا جائے گا اور ایس او پیز کی خلاف ورزی کرنے والوں کی دوکانیں سیل کی جائیں گی دوکانوں اور مالز میں ورکرز اور گاہکوں کیلئے ہاتھ دھونے اور سینیٹائزر کی فراہمی ماسک اور گلوز کا استعمال لازمی ہوگاڈپٹی کمشنر کا مزید کہنا تھا کہ طبی ماہرین کی جانب سے دی ہوئی ہدایات پر مکمل عملدرآمد کیا جائے تین فٹ کی دوری اور ایک وقت میں کم سے کم گاہک دکان میں دا خل ہوں ۔ تندور،ڈیری پروڈکٹس،میڈیکل اسٹورزاور ٹیلرشاپس کو چوبیس گھنٹے دکانیں کھلا رکھنے کی اجازت ہوگی تاہم ہوٹلز کو صرف ہوم ڈلیوری سروس کی اجازت ہوگی یہ رعایت تاجر برادری کو فوری طور پر دی گئی ہے جو کہ 19مئی دن بارہ بجے تک نافذالعمل ہوگا اس دوران تاجر برادری کو سختی سے تاکید کی جاتی ہے کہ حکومت کی جانب سے دی ہوئی ایس او پیز پر مکمل عملدرآمد کرکے کورونا کی تدارک کیلئے اپنا کردار ادا کریں ۔

موضوعات:کوہلو،شاپنگ مالز ،مارکیٹس ،آٹورپیئرشاپس ہیئر کٹنگ سیلون