اسلام آباد (مانیٹرنگ ڈیسک)ہارون الرشید نے کہا کہ عمران خان سمجھتے ہیں کہ چودھری برادران جہانگیرترین اورن لیگ کے ساتھ مل کرتختہ الٹنا چاہتے ہیں لیکن چودھریوں کو اس کا پہلے سے پتہ چل گیا اور عدالت چلے گئے ۔آج نیب ان کے خلاف بیک فٹ پر چلی گئی ہے یہ چوہے بلی کا کھیل ہے جوچلتارہے گا۔ کشمیر کے حوالے سے ہارون الرشید نے کہا کہ
پاکستان کشمیریوں کی جتنی مدد کرنی چاہئے نہیں کررہا لیکن پاکستان عربوں کی طرح نہیں کہ کشمیریوں کو فلسطینیوں کی طرح مرنے کیلئے چھوڑ دے ۔ بھارت اسرائیل کے راستے پر چل رہاہے ،بھارتی فوج کو ریاض نائیکو کے خلاف کارروائی کیلئے ایک چھوٹے سے گائوں کے گرد خندقیں کھودنی پڑیں یہ بھارت کی حالت ہے ،شاہ محمود قریشی تو ناکام وزیرخارجہ ہے ان کی تو ملک میں کوئی نہیں سنتا ان کی دلچسپی وزیراعلی پنجاب بننے میں ہے ۔ انہوں نے کہا کہ آج سے مرحلہ کن فیصلہ شروع ہوگا ہماری قوم قانون پر عمل نہیں کرتی عمران خان کے فیصلوں میں وضاحت نہیں، ابہام ہے کون سی دکان کھلے گی یا بند رہے گی،وفاق نے دکانوں کو کھولنے کے معاملے کو شاید صوبوں پر چھوڑ دیا ، وزیراعظم کو یہ نہیں کہناچاہئے تھا کہ ہم ڈنڈے کے زور پر نہیں منواسکتے یہ بات درست ہے لیکن اس کا اظہار نہیں کرنا چاہئے تھا کیونکہ حکومت کا رعب نظر آناچاہئے اسی کو حکومتی رٹ کہتے ہیں۔
