اسلام آباد (این این آئی) کورونا وائرس سے متاثرہ ہیلتھ کئیر ورکرز کی تعداد میں ریکارڈ اضافہ، 24 گھنٹوں میں ریکارڈ مزید 138 ہیلتھ کئیر ورکرز متاثر ہوگئے ۔ رپورٹ کے مطابق کورونا وائرس سے متاثرہ ڈاکٹر اور پیرامیڈیکل سٹاف کی تعداد 668 تک پہنچ گئی،وزارت نیشنل ہیلتھ اینڈ ایمرجنسی سروس نے رپورٹ جاری کر دی جس کے مطابق اب تک 333 ڈاکٹرز کورونا سے متاثر ہو چکے ہیں، گزشتہ 24 گھنٹوں میں 51 نئے ڈاکٹر کورونا وائرس سے متاثر ہوئے ۔ رپورٹ وزارت صحت کے مطابق پنجاب میں 184 کے پی 160، بلوچستان میں 131،

اسلام آباد میں 60 ہیلتھ کئیر ورکرز متاثر ہوئے ،کورونا سے متاثرہ نرسز کی تعداد بھی 108 تک پہنچ گئی۔ رپورٹ کے مطابق طبی عملے کے دیگر 227 افراد کورونا سے متاثر ہو چکے ہیں،ملک بھر میں 155 ہیلتھ کئیر ورکرز نے کورونا کو شکست دی اور ڈسچارج ہو گئے۔ رپورٹ کے مطابق ڈاکٹرز سمیت طبی عملے کے 10 افراد کورونا سے جان کی بازی ہار گئے،میڈیکل سے وابستہ 187 افراد مختلف ہسپتالوں میں زہر علاج ہیں،تمام زیر علاج افراد کی حالت خطرے سے باہر ہے،316 افراد گھروں اور دیگر مقامات پر قرنطینہ کئے گئے ہیں۔