اسلام آباد (این این آئی) پاکستان مسلم لیگ (ن )کے نائب صدر خرم دستگیر نے کہا ہے کہ نواز شریف کو عدالت نے جب بھی بلایا واپس آئیں گے، وہ حکومت کے حکم کے تابع نہیں۔ ایک انٹرویومیں انہوںنے کہاکہ نواز شریف کو حکومت نے باہر جانے کی اجازت دی ناں ہی وہ انہیں بلا سکتی ہے۔
انہوں نے کہا کہ مسلم لیگ ن وفاقی یا صوبائی حکومت کی پابند نہیں تاہم عدالت نے جب بلایا میاں نواز شریف واپس آئیں گے۔انہوںنے کہاکہ وزیر اعظم کو پارلیمنٹ کے اگلے اجلاس میں شرکت کرنی چاہیے اور کورونا وبا سے متعلق اپوزیشن کے سوالات کے جواب دینے چاہئیں۔
