اسلام آباد (این این آئی)مشیر تجارت عبد الرزاق دائود نے کہا ہے کہ کرونا وائرس کی وجہ سے دنیا میں تبدیلیاں آئی ہیں اور آئندہ کاروبار کے طریقہ کار بالکل مختلف ہوں گے۔ ایک بیان میں مشیر تجارت عبد الرزاق دائود نے کہاکہ اس مشکل وقت میں نئے مواقع پیدا ہوں گے، جس میں پاکستان کیلئے مقامی مینوفیکچرنگ کو فروغ دینے اور ‘میک ان پاکستان’ پالیسی کو اپنانے کا سنہری موقع ہے۔
عبدالرزاق داؤد نے کہاکہ کئی کاروبار بند ہونے والے ہیں جبکہ ہماری لیبر کو بے روزگاری کا خطرہ ہے۔ انہوںنے کہاکہ ان حالات میں درآمدات کو روک کر پاکستان میں مینوفیکچرنگ کو بڑھانا وقت کی اہم ضرورت ہے۔ عبدالرزاق داؤد نے کہاکہ وزارت تجارت مقامی مینوفیکچرنگ کو فروغ دینے اور میک ان پاکستان پالیسی کے پیش نظر آئندہ بجٹ کیلئے ٹیرف کے ڈھانچے میں تبدیلی پر تیزی سے کام کر رہی ہے۔
