اسلام آباد (این این آئی) پاکستان پیپلزپارٹی کی سینیٹر روبینہ خالد نے کہا ہے کہ اسد عمر کہتے ہیں حادثات میں بھی لوگ مرجاتے تو کیا ٹریفک بند کردی جائے ۔ ایک بیان میں روبینہ خالد نے کہاکہ ایک ذمہ دار وزیر سے اتنے مضحکہ خیز بیان کی امید نہیں تھی،پختونخواہ میں کورونا وائرس سے
شرح اموات زیادہ ہیں۔روبینہ خالد نے کہاکہ لیڈی ریڈنگ ہسپتال پشاور میں ایک خاتون ڈاکٹر کے کہنے کے باوجود اس کا کورونا ٹیسٹ نہیں کیا گیا۔روبینہ خالد نے کہاکہ نتیجے میں بارہ ڈاکٹرز کو کورونا وائرس کی تشخیص ہوئی،اب لیڈی ریڈنگ ہسپتال پشاور سمیت تمام گائنی کے ہسپتال بند کر دیئے گئے ہیں۔
