سرگودھا(این این آئی)پنجاب حکومت نے لاک ڈاؤن کے باعث مالی مشکلات کے شکار فنکاروں کی مالی معاونت کافیصلہ کیا اور وزیر اعلی پنجاب سردار عثمان بزدار نے مستحق فنکاروں کیلئے مالی امداد کے پیکیج کی منظوری دے دی۔ذرائع کے مطابق وزیر اعلی عثمان بزدار کی ہدایت پر صوبائی
محکمہ اطلاعات و ثقافت نے مستحق فنکاروں کیلئے مالی امداد کا پیکیج تیار کر لیا ہے جس کے تحت مستحق فنکاروں کو 15 سے 20 ہزار روپے تک مالی امداد دی جائے گی-پنجاب حکومت 3ہزار فنکاروں کی مالی معاونت کرے گی ۔وزیراعلی عثمان بزدار کا کہنا ہے کہ لاک ڈاؤن کے باعث دیگرطبقوں کی طرح فنکاروں کو بھی مالی مشکلات کا سامنا ہے-تحریک انصاف کی حکومت کو فنکاروں کی مشکلات کا پورا احساس ہے-مستحق فنکاروں کی انتہائی شفاف طریقے سے معاونت کریں گا-وزیر اعلی نے کہا کہ مالی مشکلات میں گھرے فنکاروں کو تنہانہیں چھوڑیں گے-فنکاروں کی درجہ بندی کر کے انہیں جلد سے جلد امدادی رقم فراہم کی جائے گی-مالی امداد ان پراحسان نہیں بلکہ فنکاروں کا حق ہے-
