کوئٹہ(آن لائن) بلوچستان حکومت نے لاک ڈاؤن میں 15 روز کی توسیع کردی۔تفصیلات کے مطابق بلوچستان حکومت نے لاک ڈاؤن میں 19 مئی تک توسیع کرتے ہوئے نوٹیفیکیشن بھی جاری کر دیا ہے۔حکام محکمہ داخلہ بلوچستان کے مطابق لاک ڈاؤن میں توسیع کا فیصلہ کورونا کے بڑھتے ہوئے کیسز کے پیش نظر کیا گیا ہے۔
صوبے بھر میں لاک ڈاؤن سے مستثنیٰ تمام دکانداروں کو ایس او پی پر عمل کرنا ہوگا۔دوکان میں ایک وقت پر تین سے زائد خریداروں کو نہیں رکھا جائے گا۔دوکان مالک ماسک،سینی ٹائیزر اور دکان میں خریداروں کے لئے ہینڈ واش بیسن رکھنے کا پابند ہوگا۔محکمہ صحت کو ہدایات جاری کی گئی ہیں کہ وہ وی ٹی ایم کٹس کی فوری خریداری کریں۔
