لاہور( آن لائن)نیب لاہور بیورو کے ایک کمرے میں شارٹ سرکٹ کے باعث آگ لگ گئی، ریسکیو 1122 نے بروقت کارروائی کرتے ہوئے آگ پر قابو پالیا۔ترجمان نیب لاہور کے مطابق نیب آفس لاہور کے ایک کمرہ میں شارٹ سرکٹ کے باعث معمولی آگ لگنے کا واقعہ پیش آیا۔ ڈیوٹی پر موجود نیب عملہ
نے فوری طور پر ریسکیو 1122 کو مدد طلب کیا جس پر ریسکیو 1122 کی جانب سے بروقت کارروائی کرتے ہوئے آگ پر قابو پالیا گیا۔ترجمان کے مطابق کمرے میں موجود فرنیچر میں ایک ٹیبل، کرسی اور صوفہ آگ کی زد میں آئے تاہم تفتیشی مقدمات کا ریکارڈ الگ محفوظ مقام پر ہونے کی وجہ سے محفوظ رہا۔
