اسلام آباد (این این آئی)قومی اسمبلی کے اسپیکر اسد قیصر کے قرنطین ہونے کے باعث قومی اسمبلی کا اجلاس مزید التوا کا شکار ہونے کا امکان ہے ۔ ذرائع کے مطابق اسمبلی اجلاس بلانے سے متعلق کمیٹی کا اجلاس بدھ کو دوبارہ ہو گا،تمام جماعتیں ویڈیو لنک کے بجائے
عملی طور پر اجلاس بلانے پر متفق ہیں ۔ ذرائع کے مطابق پارلیمانی سال میں اسمبلی کا اجلاس 130 روز ہونا لازم ہے ،موجودہ پارلیمانی سال میں 72روز اسمبلی اجلاس پورے ہو چکے ہیں ۔ ذرائع کے مطابق اسپیکر کے قرنطین ہونے کے باعث فوری اجلاس کے امکانات معدوم ہو چکے ہیں ۔
