پشاور (این این آئی)افغانستان میں پھنسے پاکستانی شہریوں کی وطن واپسی کا سلسلہ شروع ہوگیا،طورخم سرحد یک طرفہ طور پر بحال ہونے پر 200 پاکستانی شہری پاکستان میں داخل ہوگئے ، مزید پاکستانیوں کو دو روز بعد آمد کی اجازت دی جائے گی۔ضلع خیبر کے ڈپٹی کمشنر محمود اسلم وزیر نے بتایاکہ وفاقی حکومت کے فیصلے کے مطابق طورخم سرحدی گزر گاہ کو ہفتے کے روز یک

طرفہ طور پر بحال کیا گیا، دوسو پاکستانی شہری طورخم سرحد کے ذریعے پاکستان میں داخل ہوئے جنہیں قرنطینہ سینٹر منتقل کر دیا گیا۔ڈپٹی کمشنر کے مطابق مزید پاکستانیوں کو دو روز بعد آمد کی اجازت مل جائیگی، کورونا وائرس کی روک تھام کے لئے طورخم سرحد کو ہر قسم آمدورفت کے لئے بند کردیا گیا تھا جس کی وجہ سے ڈیڑھ ہزار پاکستانی شہری افغانستان میں پھنس گئے تھے۔‎