اسلام آباد(مانیٹرنگ ڈیسک) بحریہ ٹاؤن انتظامیہ کا احسن اقدام، استطاعت نہ رکھنے والوں کیلئے مفت کورونا وائرس ٹیسٹ کرنے کا اعلان کر دیا،نجی ٹی وی کے مطابق بحریہ ٹاؤن انتظامیہ کی جانب سے جاری بیان میں کہا گیا ہے کہ بحریہ ٹاؤن انٹرنیشنل ہسپتال راولپنڈی میں 2 ہزار روپے میں کورونا ٹیسٹ کیا جائے گا تاہم مستحقین کیلئے یہ ٹیسٹ مفت ہوگا۔
بحریہ ٹاؤن انٹرنیشنل ہسپتال راولپنڈی میں کورونا ٹیسٹ کرانے کے لئے ہیلپ لائن 051111244444 پر رابطہ کیا جا سکتا ہے،یاد رہے اسلام آباد کے نواحی علاقوں میں بھی کورونا کے پھیلائو کو روکنے کےلیے سپرے بھی کیا جاتا رہا اور اب نچلے طبقے کے لیے کورونا ٹیسٹ کی سہولت بھی متعارف کروائی گئی ہے۔
