اسلام آباد(مانیٹرنگ ڈیسک)کرونا وائرس کی وجہ سے لاک ڈائون کیخلاف ورزی پر 18افراد کو ہلاک کر دیا گیا ۔ تفصیلات کے مطابق مسلم اکثریتی ملک نائیجریا میں سیکیورٹی فورسز عوام کیلئے مہلک وائرس کرونا وائرس سے بڑا خطرہ نکلے ، کرونا کے باعث روک تھام میں کیے جانے والے لاک ڈائون کی خلاف ورزی کرنے والوں کیساتھ سختی اختیار کی

جارہی ہے اور ایسے میں کسی کیلئے کوئی رعایت نہیں دی جارہی ۔ غیر ملکی ایجنسی اے ایف پی کی رپورٹ کے مطابق سیکیورٹی فورسز نے مختلف علاقوں میں لاک ڈائون کی خلاف ورزی کرنے والے 18افراد کو قتل کر دیا ۔ رپورٹ میں بتایا گیا ہے کہ کرونا وائرس سے مرنے والے کی تعداد سیکورٹی فورسز کے ہاتھ ہلاک ہونیوالے افراد سے کہیں کم ہے ۔