سکھر(این این آئی)قرنطینہ سینٹر میں کورونا کے مزید70 مریض صحتیاب ہوگئے ہیں،جس کے بعد تمام افرادکوگھر روانہ کردیاگیا ہے ، صحتیاب افرادکاتعلق سندھ کے مختلف علاقوں سے ہے۔تفصیلات کے مطابق کمشنرسکھرڈویژن احمدمہیسر نے قرنطینہ سینٹرمیں زیرعلاج مزید70زائرین کے صحتیاب ہونے کی تصدیق کرتے ہوئے کہاہے کہ صحتیاب ہونے والے تمام افرادکوگھر روانہ کردیاگیا ہے۔کمشنرسکھرڈویژن نے بتایاکہ صحتیاب

قرار زائرین کے دوبارٹیسٹ نیگیٹیوآئے اور تمام افرادکاتعلق سندھ کے مختلف علاقوں سے ہے ، قرنطینہ میں زیرعلاج 40افرادمیں سے30کے ٹیسٹ نیگیٹواور 10کے پازیٹو آئے، 10 پازیٹیو آنے والے افرادکے دوبارہ ٹیسٹ کیلئے سیمپلنگ ہوگی۔حکومت سندھ کی جانب سے سکھر قرنطینہ سینٹر میں تفتان بارڈر سے 4مراحل میں مجموعی طور پر 1130افراد کو لایا گیا، جہاں سے اب تک 1015 افراد صحت یاب ہوکر گھروں کو روانہ ہوچکے ہیں۔