لاہور(این این آئی) پاکستان مسلم لیگ(ن)پنجاب کے صدر رانا ثنا اللہ خان نے وزیراعظم سمیت دیگر چینی چور مجرمان کی گرفتاری کا مطالبہ کرتے ہوئے کہا ہے کہ ایف آئی اے رپورٹ میں آٹا چینی چوروں کی نشاندہی ہوچکی ہے بلا تاخیر گرفتارکیاجائے۔وزیراعظم عمران نیازی، وزیراعلی عثمان بزدار،
جہانگیر ترین، خسرو بختیار کو ہتھکڑی لگائی جائے۔چیئرمین نیب اپنا قانونی فرض ادا کریں، عمران خان، جہانگیر ترین سے نہ ڈریں۔انہوں نے کہاکہ عوام کو دونوں ہاتھوں سے لوٹنے والوں کو کسی بہانے معاف نہیں کیاجاسکتا۔چوروں کا اصل چہرہ قوم کے سامنے آگیا ہے۔
