لاڑکانہ(مانیٹرنگ ڈیسک) لاڑکانہ میں گزشتہ بارہ روز سے جاری لاک ڈاؤن اور بے روزگاری سے تنگ آکر 16 سالہ نوجوان حسنین ملاح نے دو منزلہ عمارت سے کود کر خودکشی کرلی جبکہ متوفی کی نعش ورثہ نے چانڈکا ہسپتال کے شعبہ حادثات منتقل کردی جہاں ضروری کاروائی کے بعد نعش ورثہ کے حوالے کردی گئی، ورثہ کے مطابق وہ بدین کے رہائشی ہیں
لاک ڈاؤن کے بعد وہ بدین سے لاڑکانہ روزگار کے سلسلے میں آئے لیکن یہاں بھی بے روزگاری اور کورونا وائرس کی وبا کی وجہ سے دکانیں بند تھی جبکہ مسلسل بے روزگاری کے باعث حسنین نے دو منزلہ عمارت سے کود کر خودکشی کرلی ہے، دوسری جانب متوفی کی نعش گھر پہنچادی گئی جہاں لاش گھر پہنچنے پر کہرام مچ گیا۔
