سکھر ( این این آئی) خون سفید ہوگیا ، نوجوان بیٹے کا باپ پر وحشیانہ تشدد ، رشتے داروں پر زبردستی جھوٹا کیس درج کرانے کا مطالبہ ، والد انصاف کیلئے میڈیا کے پاس پہنچ گیا ، نافرمان بیٹے کی زیادتی سے بچایا جائے ، تفصیلات کے مطابق سکھر کے علاقے بچل شاہ میانی کے نواحی گائوں غلام مصطفی جتوئی کے مکین
معمر شخص علی ڈنو جتوئی نے اپنے دیگر عزیزوں کے ہمراہ اپنے بیٹے ذوہیب علی کی مبینہ زیادتی اور تشدد والے عمل کے خلاف احتجاج کرتے ہوئے صحافیوں کو بتایا کہ دو ماہ قبل اسکا بائیس سالہ بیٹے شعیب احمد حادثے میں جانبحق ہوگیا تھا عینی شاہدین کے باوجود میرا بیٹا ذوہیب ہمارے پلاٹ پر جاری تنازعہ میں ملوث رشتے داروں علی حسن امداد ، اصغر ، ارشاد و دیگر کے کہنے پر نافرمان ہو گیا ہے اور اس نے مجھ سمیت دیگر عزیزوں کے خلاف قتل کا جھوٹا کیس درج کرایا ہے جو جھوٹا اور بے بنیاد ہے میرے منع کرنے پر وہ میرا بھی جانی دشمن بن گیا ہے اور گذشتہ روز اس نے مجھے بری طرح تشدد کا نشانہ بنایا اور بضد ہے کہ تم اسکے قتل کا جھوٹا مقدمہ دیگر دیگر عزیزوں کے خلاف درج کرائو جو میں نہیں کر سکتا ، ایس ایس پی سکھر نوٹس لیکر واقعہ کی انکوائری بھی کرائی ہے اور میرے بیٹے کا قتل نہیں ہوا بلکہ وہ حادثے میں جانبحق ہوا ہے متاثرہ شخص نے بالا حکام سمیت ایس ایس پی سکھر عرفان علی سموں سے مطالبہ کیا ہے اسکے بیٹے ذوہیب کی غیر قانونی و بلاجواز شکایات پر توجہ نہ دیکردیگر عزیزوں پر درج جھوٹا کیس خارج کیا جائے اور اس کی سرپرستی کرنے والے عناصروں کے خلاف کاروائی عمل میں لاکر ہمیں انصاف و تحفظ فراہم کیا جائے ۔
