اسلام آباد(مانیٹرنگ ڈیسک)کے پی کے میں کرونا وائرس کے 8مزید مریض صحت یاب ہو گئے ۔ تفصیلات کے مطابق مشیر اطلاعات اجمل وزیر نے کہا ہے کہ خیبر پختونخواہ میں کرونا وائر س کے مریضوں کے15افرادکے ٹیسٹ مثبت آنے والوں میں 8افراد مکمل صحت یاب ہو گئے ہیں ۔ان کا کہنا تھا کہ
کے پی کے میں کرونا وائرس کے 29کیس رپورٹ ہوئے ہیں جس کے بعد صوبے میں متاثرہ مریضوں کی تعداد 221ہو گئی ہے ۔ انہوں نے بتایا کہ پشاور میں سب سے زیادہ کیس 16جبکہ تفتان زائرین سے پانچ اور لوئر دیر سے تین کیس رپورٹ ہوئے ہیں ۔ اسی طرح باجوڑ، بنوں، ڈی آئی خان، مردان اور مانسہرہ سے ایک ایک کیسز رپورٹ ہوئے۔
