لاہور( این این آئی )پاکستان مسلم لیگ (ن)کے صدر و قائد حزب اختلاف شہبازشریف نے قومی سلامتی کمیٹی کا اجلاس بلانے کا مطالبہ کرتے ہوئے کہا ہے کہ قومی سلامتی کمیٹی کا اجلاس بلاکر واضح کیا جائے کہ لاک ڈائون ہوگا یانہیں؟ ۔ اپنے بیان میں شہباز شریف نے کہا کہ حکومتی حکمت عملی واضع کی جائے کیونکہ وزیراعظم کے قوم سے خطاب نے قومی سلامتی کے اہم فیصلوں سے
متعلق سوال اٹھادیا ہے ،قوم کی جان بچانے کی قومی حکمت عملی بچوں کا کھیل نہیں ،قوم کو شک میں ڈالنا ، انتظامیہ اور عوام کے لئے مسائل پیدا کرنے والی بات ہے ۔انہوں نے کہا کہ کورونا ریلیف فنڈ کی ترسیل کے لئے فوری پارلیمانی مانیٹرنگکمیٹی تشکیل دی جائے ،کوروناپر فی الفور پارلیمانی صحت کی قائمہ کمیٹی کا اجلاس بھی بلایا جائے۔
