سرگودھا(این این آئی)سرگودھا میں دربار پر محفل سجا کر اجتماع کرنے پر متولی اور شرکاء کے خلاف دفعہ 144 کی خلاف ورزی کا مقدمہ درج کر کے پولیس مصروف تفتیش ہے۔ذرائع کے مطابق سرگودھا جھنگ روڈ پر قصبہ جہانیاں شاہ کے علاقہ میں دربار عالم شیر شاہ پر سید ضمیرالحسن نے اجتماعی دعا ختم القرآن کی
محفل کا انعقاد کیا جہاں 100/150 افراد جمع تھے جبکہ حکومت پنجاب نے کورونا وائرس سے بچاو کی حکمت عملی کے تحت 144 نافذ کر کے اجتماعات پر پابندی عائد کر رکھی ہے۔پولیس تھانہ ترکھانوالہ نے محمد اعظم اے ایس آئی کی رپورٹ پر فرمان اللہ کی مدعیت میں منتظمین اور شرکاء محفل کے خلاف زیر دفعہ 188 ت پ مقدمہ درج کر کے تفتیش شروع کر دی ہے۔
