پشاور(مانیٹرنگ ڈیسک) محکمہ ٹرانسپورٹ خیبرپختونخوا نے 15 روز کے لئے تمام سرگرمیاں معطل کردیں، ڈرائیونگ لائسنس بھی جاری نہیں کئے جائیں گے۔کورونا وائرس کے خطرات کے پیش نظر سیکرٹری محکمہ ٹرانسپورٹ خیبرپختونخوا کا کہنا ہے کہ تمام سرگرمیاں معطل ہونے کے سبب روٹ پرمٹ، فٹنس سرٹیفکیٹ اور آلودگی کنٹرول سرٹیفکیٹ بھی جاری

نہیں کیا جائے گا۔سیکرٹری ٹرانسپورٹ نے بتایا کہ صوبائی اور ریجنل ٹرانسپورٹ اتھارٹی کے دفاتر بھی بند رہیں گے، تاہم ملازمین کو ضرورت پڑنے پر کسی بھی وقت گھر سے بلایا جا سکتا ہے۔سیکرٹری ٹرانسپورٹ کا مزید کہنا تھا کہ محکمہ ٹرانسپورٹ حکام بھی ٹرانسپورٹ بند کرنے کیلئے تیار رہیں ، جبکہ صوبے بھر میں ڈرائیونگ ٹریننگ بھی بند ہے۔