اسلام آباد (مانیٹرنگ ڈیسک) پاکستان میں کرونا وائرس کی تعداد میں اضافہ ، کراچی میں 77سالہ شخص انتقال کر گیا ۔ جس کے بعد اس مہلک وائر س کی وجہ سے ہلاکتوں کی تعداد 3ہو گئی ۔ نجی ٹی وی رپورٹ کے مطابق آج پاکستان میں کورونا وائرس کے اب تک29کیسز سامنے آچکے ہیں جن میں سے 18 مریض پنجاب میں جبکہ 11 سندھ کے شہر کراچی میں سامنے آئے ہیں۔
دنیا بھر میں کورونا کیسز کی تعداد ڈھائی لاکھ سے بڑھ چکی ہے جب کہ پاکستان میں اب تک کورونا وائرس سے متاثرہ 478کیسز سامنے آئے ہیں جن کی بڑی تعداد سندھ میں ہے جہاں کل کیسز 249ہوگئے ہیں۔پنجاب میں کیسز کی تعداد 96خیبر پختونخواہ میں 23جبکہ دو اموات ، بلوچستان میں کیسز کی تعداد 81، گلگت بلستان میں 21، آزاد کشمیر میں ایک اور اسلام آباد میں کرونا وائرس کے مریضوں کی تعداد 7ہو گئی ہے ۔
