اسلام آباد(مانیٹرنگ ڈیسک)پاکستان میں کرونا وائرس کے حالات 15اپریل تک ٹھیک ہوں جائیں گے ۔ تفصیلات کے مطابق معروف آسٹرالوجسٹ سامعہ خان نے کہا ہے کہ غیب کا علم تو صر ف اللہ رب العزت کے پاس ہے ، الہام انبیاکرام ؑ کی صفات ہیں ۔ ہم جو بولتے ہیں وہ صرف علم کی روشنی میں کہتے ہیں ۔ پوری دنیا میں چیزیں 13مئی سے ٹھیک ہونا شروع ہو جاتیں ہیں ، پاکستان کا یہ مشکل وقت بھی 16مارچ سے 15اپریل تک ہے 22مارچ اور 31مارچ کو پھر کچھ ایسے ستارے اکٹھے ہو رہے ہیں ۔

یہاں ہر کوئی موسم کی پیشگوئی کرتا لیکن طوفان کو کوئی نہیں روک سکا ۔ پاکستان پہلے ہی دہشتگردی کا شکار رہا ہے ، ہم نے قرنطینہ کا درد سہا ہے ، کشمیری بھی درد بھگتے رہے ہیں لیکن اب دنیا بھگت رہی ہے ۔ رواں سال کے شروع میں نے کہا تھا کہ استغفراللہ ،اللہ اکبر کی تسبیح کثرت سے کریں کیونکہ یہ ناگہانی آفت کا سال ہے ۔ بہت سارے سرپرائز اس سال دیکھنے کو ملیں گے ۔ سامعہ خان نے کہا پاکستان میں 15اپریل سے چیزیں نارمل ہونا شروع ہو جائیں گی جبکہ دنیا کے حالات بہتری کی طرف 13مئی کے بعد آئے گی ۔