مانسہرہ(آن لائن)مانسہرہ کی تحصیل اوگی میں باراتیوں کی گاڑی کھائی میں گرنے سے دلہن سمیت 5 افرادجاں بحق اورایک خاتون زخمی ہوگئی۔مانسہرہ کے گاوں سیدآباد چورکلاں سے باراتیوں کی جیپ تورغر کے گاوں تلی جارہی تھی کہ بنجئی کے مقام پر تیز رفتاری کے سبب
جیپ ڈرائیور سے بے قابو ہوکر کھائی میں گرگئی۔ذرائع کے مطابق حادثیمیں دلہن سمیت 2 خواتین اور 3 مرد موقع پرجاں بحق جبکہ ایک خاتون زخمی ہوگئی جسے اوگی اسپتال منتقل کردیا گیا ہے۔اسپتال انتظامیہ اور پولیس کی جانب سے لاشیں ضروری کارروائی کے بعد لواحقین کے حوالے کر دی گئی ہیں، جبکہ مرنیوالے آپس میں قریبی رشتہ دار ہیں۔
