اسلام آباد(مانیٹرنگ ڈیسک)کرونا وائرس سے مرنے والے پہلے مریض کیساتھ ڈیل کرنے میں مجرمانہ غفلت کا انکشاف ، تفصیلات کے مطابق پاکستان میں کرونا وائرس سے مرنے والے پہلے 50سالہ سادات خان کیساتھ ڈیل کرنے میں محکمہ صحت اور انتظامیہ کی جانب سے تمام تر علامات ہونے کے باوجود غفلت کا مظاہرہ کرتے ہوئے اسے
گھر جانے دیا تھا ۔ کرونا وائرس سے جاں بحق ہونے والے مردان کی یونین کونسل منگاہ کے رہائشی مریض 50 سالہ سادات خان اسپتال کے قرنطینہ میں رہنے سے انکار کر دیا تھا اور مسلسل اصرار کرنے کے بعد اسے گھر جانے کی اجازت دی گئی تھی ۔ واضح رہے کہ سادات خان جدہ انٹرنیشنل ائیرپورٹ سے 9 مارچ کو پشاور ائیرپورٹ پر پہنچا تھا ۔
