لاہور(این این آئی)پاکستان پیپلز پارٹی کے بعد مسلم لیگ (ن) نے بھی کورونا وائرس کے پھیلائو کے خدشے کے پیش نظر اجتماعات پر مبنی سیاسی سر گرمیاں تین ہفتے کے لئے ملتوی کر دیں۔ تفصیلات کے مطابق کورونا وائرس کے پھیلائو کے خدشے کے پیش نظر پیپلز پارٹی کے چیئرمین بلاول بھٹو نے پنجاب کے
دورہ کے حوالے سے شیڈول تمام سیاسی سر گرمیاں معطل کرنے کا اعلان کیاتھا اور اب مسلم لیگ(ن) نے بھی اجتماعات پر مبنی اپنی تمام سیاسی سر گرمیاں تین ہفتے کیلئے ملتوی کر دی ہیں۔ اسی تناظر میں مسلم لیگ (ن) لاہور نے 23مارچ کو لاہور میں منعقد ہونے والا ورکرز کنونشن ملتوی کر دیا ہے۔
