اسلام آباد (مانیٹرنگ ڈیسک)نواز شریف کی صاحبزادی مریم نواز اس وقت بھرپورکوششوں میں مصروف ہیں کہ وہ کسی طرح اپنے والد کی تیماداری کیلئے لندن چلی جائیں ۔ تفصیلات کے مطابق سینئر تجزیہ کار صابر شاکر نے کہا ہے کہ مریم نواز لندن اپنے والد نواز شریف سے براہ راست ملاقات کی وجہ سے جانا چاہتی ہیں ۔ سینئر صحافی کا کہنا ہے کہ انہوں نے اپنے ذرائع سے یہ خبر نکلوائی ہے کہ

مریم نواز پاکستان میں کچھ لوگوں سے ملاقات بھی کی ہے جس میں پارٹی کے اہم ترین ممبران بھی شامل ہیں ۔ سابق وزیراعظم کی صاحبزادی مریم نواز سمجھتی ہیں کہ نواز شریف کو صحیح معلومات نہیں دی جارہی اور انہیں درست سمت میں پارٹی معاملات کی بھی آگاہی کا پتہ نہیں ہے ۔ اسی وجہ سے مریم نواز شریف اپنے والد سے ملنے کیلئے لندن جانے کی ہر ممکن کوشش کر رہی ہیں تاکہ وہ اپنےو الد کو براہ راست صحیح حقائق سے آگاہ کر سکیں ۔ واضح رہے کہچوہدری شوگر مل کیس میںنواز شریف کی صاحبزادی مریم نواز کی درخواست ضمانت کو عدالت کی جانب سے بار بار مسترد کیا گیا ہے ،گزشتہ روز کیس کی سماعت کرتے ہوئے ایک مرتبہ پھر ان کے ضمانت کی درخواست مسترد کر دی گئی ہے۔جبکہ ان کے وکیل کا کہنا تھا کہ ہم ہر قسم کی گارنٹی دینے کیلئے تیار ہیں کہ مریم نوازچار سے چھ ہفتوں میں پاکستان واپس آجائیں گی ۔