اسلام آباد(مانیٹرنگ ڈیسک) گزشتہ چند روز سے سعودی عرب سے ایسی خبریں منظر عام پر آ رہی ہیں کہ پاکستانیوں کو وہاں قیدی بنایا جا رہا ہے اور جلا وطن کیا جا رہا ہے۔بتایا جا رہا ہے پاکستانیوں کے ساتھ مناسب رویہ نہیں رکھا جا رہاجس کے بعد انہیں وہاں رہنے میں مشکلات کا سامنا کرنا پڑ رہا ہے اور مختلف خدشات کا بھی شکا ر ہیں۔اسی معاملے پر پیغام جاری کرتے ہوئے تجزیہ نگار ندیم ملک
نے ٹویٹر پر کہا ہے کہ عمران خان کو چاہئے کہ وہ محمد بن سلمان سے اس بارے میں بات کریں۔ جب وہ پاکستان آئے تھے تو انہوں نے کہا تھا کہ وہ سعودی عرب میں پاکستان کے سفیر ہیں۔اس لئے ہمیں ان سے بات کرنی چاہہئے۔ ان کا کہنا تھا کہ قوانین کا سخت استعمال کرنا انتخاب کا معاملہ ہے۔پاکستانیوں پر قانون کو سختی سے نافذ کیا جا رہا ہے جس سے انہیں وہاں رہنے میں مشکلات پیش آ رہی ہیں۔
