اسلام آباد(این این آئی)پاکستان پیپلزپارٹی کی ڈپٹی سیکرٹری اطلاعات پلوشہ خان نے کہاہے کہ سندھ اسمبلی کی رکن شہناز انصاری کے قتل پر فردوس عاشق اعوان کا بیان شرم ناک ہے۔ ا یک بیان میں پلوشہ خان نے کہاکہ اگر پی ٹی آئی ایک منتخب رکن کے قتل پر تعزیت نہیں کرسکتی تو نمک بھی نہ چھڑکے، سندھ میں اپنا وائسرائے نما آئی جی بھیج کر

عمران خان ڈکٹیٹر بننے کی کوشش کررہے ہیں۔پلوشہ خان نے کہاکہ شہناز انصاری نے قتل سے پہلے پولیس کو خطرے سے آگاہ کیا مگر آئی جی کلیم امام نجانے کس کے ایجنڈے پر عمل پیرا ہیں۔پلوشہ خان نے کہاکہ عمران خان جان بوجھ کر سندھ میں امن و امان کی صورت حال خراب کررہے ہیں، پی ٹی آئی حکومت سندھ میں امن و استحکام کی صورت حال کو بگاڑنے کی کوششیں بند کرے۔

موضوعات:فردوس عاشق اعوان