سرگودھا(این این آئی)سرگودھا میں بدچلنی کے شبہ پر باپ نے ڈنڈے کے پے در پے وار کر کے حقیقی بیٹی کو موت کے گھاٹ اتار دیا۔پولیس نے مقتولہ کی نعش پوسٹمارٹم کے لئے ہسپتال منتقل کر کے ملزم کو آلہ قتل سمیت گرفتار کر کے واردات کی تفتیش شروع کر دی۔ذرائع کے مطابق سرگودھا کی

تحصیل  شاہپور کے علاقہ ڈیرہ عاقل شاہ میں غلام شبیر کی 25 سالہ ثمرین بی بی محمد فیاض سے شادی شدہ تھی۔جو والدین ہاں آئی تو 25 سالہ ثمرین بی بی کو باپ غلام شبیر نے کردار کے شبہ میں چال چلن درست رکھنے کی تلقین کی اور اکثر ایسے سمجھتا رہا لیکن دوشیزہ نے اپنا چال چلن درست نہ کیا تو باپ بدچلنی کے شبہ میں مشتعل ہوگیا اور ڈنڈوں کے در در پے وار کر کے مسلسل تشدد 25 سالہ شادی شدہ بیٹی ثمرین بی بی کو موت کے گھاٹ اتار دیا۔شاہپور صدر پولیس نے موقع پر پہنچ کر قاتل کو آلہ قتل سمیت گرفتار کرلیا اور مقتولہ کی نعش پوسٹمارٹم کے لئے ٹی ایچ کیو ہسپتال شاہپور صدر منتقل کر دی اور مصروف تفتیش ہے۔

موضوعات:افسوسناک واقعہ