اسلام آباد (این این آئی)وزیراعظم عمران خان سے وزیر ریلوے شیخ رشید احمد نے کی ملاقات کی جس میں بدھ کو سپریم کورٹ میں ریلوے کیس سے متعلق امور پر گفتگو ہوئی ہے، شیخ رشید احمد نے وزیرِ اعظم کو ریلوے کیس میں تیاری کے بارے میں آگاہ کیا۔اس دوران وزیرِ اعظم نے شیخ رشید پر اعتماد ظاہر کرتے ہوئے کہا کہ شیخ صاحب مجھے امید ہے بدھ کو آپ عدالت کومطمئن کریں گے،
وزیراعظم کی جانب سے ریلوے خسارہ کیس میں شیخ رشید کی معاونت کی بھی ہدایت کی گئی۔شیخ رشید نے ایم ایل ون منصوبہ اور ریلویز بزنس پلان پر وزیرِ اعظم کو بریف کیا، ملاقات میں مہنگائی اور ملک کی سیاسی صورتحال سمیت ترقیاتی منصوبوں پر بھی بات چیت کی گئی۔شیخ رشید نے وزیر اعظم سے حلقے میں مہنگائی، آٹے کی قیمتوں اور بجلی کے زائد بلوں سے متعلق شکایات سے آگاہ کیا ۔
