لاہور (آن لائن) صوبائی دارلحکومت لاہور میں خواتین سے زیادتی کے جرائم میں اضافہ ہوگیا ہے پولیس کے اعدادو شمار کے مطابق رواں سال ماہ جنوری میں 27 خواتین کے ساتھ زیادتی کی گئی جبکہ اسی مہینے 2019ء میں زیادتی کا شکار ہونے والی خواتین کی تعداد 19 تھی

یہ بھی بتایا گیا ہے کہ پولیس خواتین کے ساتھ زیادتی میں ملوث صرف آٹھ ملزمان کو گرفتار کرسکی جبکہ پنجاب فرانزک لیبارٹری 26 مقدمات کی رپورٹس تاحال واپس نہیں بھیج سکی۔ ان مقدمات میں 33 ملزمان نامزد ہیں جبکہ 23 ملزمان کی تحقیقاتی رپورٹ تاحال نامکمل ہیں۔