اسلام آباد (این این آئی)رہنما جے یوآئی ف حافظ حمد اللہ نے کہا ہے کہ حکومت زیادہ دیر نہیں چل سکتی، عمران خان خود اپنی حکومت کے خلاف اپوزیشن میں ہیں۔ایک انٹرویو میں انہوں نے کہا کہ وزیر اعظم کہتے ہیں کہ اگر سکون چاہتے ہو تو وہ صرف قبر میں ملے گا، کیا آپ پورے ملک کو قبرستان بنانا چاہتے ہو؟حافظ حمدللّٰہ نے کہا کہ مسلم لیگ ن اور پیپلزپارٹی کو جے یو آئی ف نے آخر تک ایک پلیٹ فارم

پر لانے کی کوشش کی لیکن دونوں بڑی جماعتوں نے پوری اپوزیشن کو مایوس کیا ہے۔انہوں نے کہا کہ یہ کہنا درست نہیں کے جے یو آئی ف نے ان دونوں بڑی جماعتوں کو چھوڑ دیا ہے، جے یو آئی کے دروازے تمام سیاسی جماعتوں کے لیے کھلے ہیں اگر پاکستان مسلم لیگ ن اور پاکستان پیپلز پارٹی نے رابطہ کیا تو پھر یہی متحدہ اپوزیشن کی سات جماعتیں بیٹھ کر اس پر فیصلہ کریں گی۔