اسلام آباد (مانیٹرنگ ڈیسک) معروف سینئر کورٹ رپورٹر اختر صدیقی نے شیخ رشید کے حوالے سے بات کرتے ہوئے کہا کہ معاملات بڑے عجیب سے ہوئے ہیں، سپریم کورٹ نے دو ہفتوں میں شیخ رشید سے رپورٹ مانگی ہوئی ہے، جب سے شیخ رشید احمد نے ریلوے حکام کے خلاف پریس کانفرنس کی ہے اور کہا ہے کہ حادثے کی رپورٹ جو تیار کی

گئی ہے، انہوں نے اس رپورٹ میں مختلف نقائص اور خرابیوں کی نشاندہی کی تھی۔ اس وجہ سے ریلوے حکام ان سے ناراض ہیں، معروف صحافی نے ریلوے حکام کے ذرائع کے حوالے سے بتایا کہ حکام عدالت میں شیخ رشید کے خلاف بیان دینے بارے سوچ بچار کر رہے ہیں۔ ابھی کوئی حتمی فیصلہ نہیں ہوا ہے جو رواں ہفتے کر لیا جائے گا۔