اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ کار انصار عباسی نے دعویٰ کیا ہے کہ 2019میں کرپشن سے متعلق رپورٹ دینے پر وزیراعظم عمران خان نے ایران کے دورہ کے دوران فون کیا اور کہا کہ انصار عباسی کو رات 9 بجے تک جیو سے نکال دیں ورنہ جیو بند ہو جائے گا۔

انصار عباسی نے مزید کہا کہ میں نے رپورٹ یہ دی تھی کہ 2019 میں کرپشن 2018 سے زیادہ ہے۔ جس میں یہ خدشہ بھی ظاہر کیا کہ ٹرانسپیرنسی انٹرنیشنل پاکستان کو کرپشن کے حوالے سے زیاد ہ تنزلی دے سکتی ہے۔یاد رہے کہ ٹرانسپیرنسی انٹرنیشنل نے پرسوں رپورٹ جاری کی تھی جس کے مطابق پاکستان میں کرپشن بڑھی ہے ۔

موضوعات:انصار عباسی