فیصل آباد (آن لائن)وٹہ سٹہ کی شادی کا انجام ، مشتعل شوہر نے روٹھی بیوی کومنانے میں ناکامی پر مشتعل ہو کر سسرالیوں کے گھر میں فائرنگ کرکے اسے موت کے گھاٹ اتار دیا ، نعش پوسٹ مارٹم کیلئے مارچری منتقل ، پولیس نے ملزمان کیخلاف قانونی کارروائی شروع کردی ، آن لائن کے مطابق تھانہ روڈالہ کے چک 356گ ب کی رہائشی بیس سالہ نظراں بی بی کی شادی سال قبل وٹہ سٹہ کے نتیجہ میںاسی
علاقہ میں جاوید ولد نذر سے مقتولہ کی بھائی اصغر علی کی شادی جاویدکی بہن سعدیہ سے انجام پائی تھی ،نظراں بی بی اور جاوید کا اکثر و بیشتر لڑائی جھگڑا رہتا تھا اور جسکے باعث نظراں بی بی روٹھ کر اپنے میکے رہ رہی تھی ، گزشتہ رات شوہر جاوید اسے منانے کیلئے سسرالیوں کے گھر گیا جہاں نہ ماننے پر اس نے فائرنگ کردی جس کے نتیجہ میں مذکورہ شدید زخمی ہو گئی جسے الائیڈ ہسپتال داخل کرایا گیا جہاں جانبر نہ ہوسکی ،پولیس نے نعش مارچری منتقل کرکے قانونی کارروائی شروع کردی ۔
