لاہور( این ان آئی )لاہور کی سیشن عدالت میں ایف آئی اے کیخلاف ٹک ٹاک اسٹار صندل خٹک کی درخواست پر سماعت کرنے والا جج تبدیل کردیا گیا ۔معاملہ فاضل جج امجد علی شاہ سے ایڈیشنل سیشن جج مصباح خان کے پاس بھجوا دیا گیا ہے جو کیس کی اگلی سماعت کریں گے۔صندل خٹک نے ایف ائی اے کی انکوائری اور ہراساں کیے جانے کیخلاف عدالت سے رجوع کر رکھا ہے۔ قبل ازیں ایڈیشنل سیشن امجدعلی شاہ نے ایف آئی اے کو نوٹس جاری

کرتے ہوئے 6 فروری جواب طلب کر رکھا تھا۔درخواست میں صندل خٹک نے موقف اختیار کیا ہے کہ ایف آئی اے نے نامعلوم انکوائری میں 28 اکتوبر اور پھر 5 نومبر 2019 کو طلبی کے نوٹسز جاری کیے۔کبھی کسی غیر قانونی سرگرمی میں ملوث نہیں رہی، پاکستان کی شہری ہوں اور ٹک ٹاک سٹار ہوں لیکن ایف ائی اے کی جانب سے بار بار طلبی کے نوٹسز جاری کیے جارہے ہیں۔عدالت ایف آئی اے کو ہراساں کرنے سے روکنے کا حکم دے۔