اسلام آباد(آن لائن)علامہ اقبال اوپن یونیورسٹی نے سمسٹربہار 2019ء میں پیش کئے گئے بیچلر)بی اے( پروگرامز کے فائنل امتحانات کے نتائج کا اعلان کردیا ہے۔بی اے پروگرامز میں جنرل آرٹس ٗ لائبریری سائنس ٗ ماس کمیونیکیشن ٗ بی کام اور درس نظامی شامل ہیں۔ رزلٹ کارڈز طلبہ کو بذریعہ رجسٹری ڈاک ارسال کئے جارہے ہیں ٗ نتائج یونیورسٹی کی ویب سائٹ پر بھی فراہم کردئیے گئے ہیں۔کنٹرولر امتحانات ٗ ڈاکٹر ملک توقیر احمد خان کے مطابق وائس چانسلر
کی ہدایات کی روشنی میں میٹرک ٗ ایف اے اور بی اے پروگرام مکمل کرنے والے طلبہ کو پرویژنل اسناد بھی ارسال کئے جارہے ہیں تاکہ وہ اگلے پروگرام میں داخلہ حاصل کرسکیں۔سمسٹر بہار 2020ء کے میٹرک ٗ ایف ایٗ پی ایچ ڈی ٗ ایم ایس/ایم فل ٗ ایم ایس سی اور بی ایس)فیس ٹو فیس( پروگرامز کے داخلے جاری ہیں جبکہ بی اے اور بی ایس(ODL and Blended Mode) ٗ ایم اے/ایم ایس سی ٗ ٹیچر ٹریننگ پروگرامز کے داخلے 2۔مارچ سے شروع ہوں گے۔
