راولاکوٹ (آن لائن ) گلگت بلتستا ن کو آزاد کشمیر کی طرز کا سیٹ اپ دینے کا امکان ،اقتصادی راہداری منصوبے میں گلگت بلتستان اور آزاد کشمیر کو بھی شامل کرنے کا فیصلہ ، گورنر کے بجائے صدر ، وزیر اعلی کے بجائے وزیر اعظم ،
ہونگے گلگت بلتستان کی آئینی حیثیت کے تعین کے لیے وزیر اعلی گلگت بلتستان حافظ حفیظ الرحمن با ہمی مشاورت سے طے کردہ تجاویز پیش کریں گے جسکی روسے گلگت بلتسان کو آزاد کشمیر کا جیسا حکومتی سیٹ اپ دینے کا فیصلہ کر لیا گیا۔ماہِ فروری میں اسکا باضابطہ اعلان کیا جائیگا کمیٹی میں گلگت کی قوم پرست اور علاقائی جماعتیں بھی شامل تھی جن سے تجاویز لی گئی اور یہ طے پایا کہ اس وقت اگر گلگت بلتستان کو پاکستان کا صوبہ بنانے آئین میں ترمیم کرنے سے مسئلہ کشمیر کو نقصانات پہنچیں گے لہذا آئین میں ترمیم کیے بغٖیر اس بات پراتفاق کیا گیا ہے کہ نیا آئینی پیکج سامنے لایا جائے اس آئین کے تحت گلگت بلتستان کی اپنی آزاد کشمیر طر ز کی عدالت قائم ہو گی صحت اور تعلیم اور سیاحت کے محکمے اس حکومت کے پاس ہونگے آڈیٹر جنر ل اور محتسب کے محکمے بھی قائم کیے جائینگے تمام تنظیموں نے اتفاق کیا ہے کہ آزاد کشمیر طر ز کی حیثیت ملنے سے ان کو آٗئینی حقوق حاصل ہوجائیں گے اس پیکج پر اتفاق کے بعد گلگت بلتستان کا آئینی حقوق کا مسئلہ با آسانی حل ہو جائے ۔
